Grazas a todos e a todas as profesionais que vos formastes na Universidade de Vigo, a imaxe e os valores da nosa institución sobrepasan ano tras ano as fronteiras da nosa contorna para chegar aos ámbitos nacional e internacional
A través da web do Observatorio de Persoas Tituladas, convidámosvos a continuar a relación iniciada durante os anos nos que formastes parte da Universidade de Vigo para acadar a mellor formación para o voso futuro persoal e profesional.
Velaquí un espazo de encontro onde atopar compañeiros e compañeiras que compartiron con vós os anos de estudo e pensado para que todas as persoas tituladas poidades seguir beneficiándovos dos lazos que nos unen a través de contidos dirixidos a desenvolver a vosa formación profesional e persoal, a apoiar a vosa empregabilidade ou a fomentar o networking e o mentoring.
Porque somos un lugar de experiencia, de confianza e onde cremos nas persoas, queremos seguir colaborando no desenvolvemento da vosa carreira profesional e convidámosvos a manter e a estreitar os vínculos coa universidade na que apostastes e confiastes na vosa etapa de estudante.
Manuel Joaquín Reigosa Roger
Reitor da Universidade de Vigo