A partir do 5 de marzo de 2025 e durante dous meses permanecerá aberto o prazo para realizar a enquisa de inserción laboral das persoas tituladas en estudos oficiais da UVigo entre os anos 1990 e 2024
Destinatarios/as
Todas as persoas tituladas da UVigo en estudos oficiais de ciclos extinguidos (licenciaturas, diplomaturas, enxeñarías e enxeñarías técnicas), graos, mestrados e programas de doutoramento entre o curso 1989/1990 e 2023/2024.
Acceso á enquisa
Non será preciso responder todas as preguntas; en función das respostas, as persoas participantes serán encamiñadas ás preguntas do cuestionario que correspondan.
De que vai a enquisa?
A enquisa está estruturada en cinco bloques principais:
Bloque 1º: Acceso á UVigo e a traxectoria persoal no ámbito académico
Bloque 2º: Actividade principal da situación socio-laboral actual
Bloque 3º: Características profesionais do actual emprego
Bloque 4º: Satisfacción co itinerario académico
Bloque 5º: Satisfacción coa inserción laboral
Por que precisamente agora?
En xaneiro de 2025 a UVigo fai 35 anos e desde o Observatorio consideramos que é chegado o momento de avaliar a inserción laboral das persoas tituladas nas promocións comprendidas entre os cursos 1989/1990 e 2023/2024.
Para que serve esta enquisa?
A enquisa xoga un papel importante en varios aspectos:
Coñecer a empregabilidade e situación profesional actual de todas as promocións de persoas tituladas da UVigo a efectos de ser comparada co entorno profesional, empresarial, social e territorial a nivel galego, español e europeo
Achegar información útil e relevante para mellorar a UVigo
Contribuír á mellora da formación do estudantado das seguintes promocións
Avaliar a satisfacción coa empregabilidade e cos estudos realizados.
Onde se poden ver os resultados?
Unha vez completado o tratamento estatístico das respostas, os resultados do estudo serán publicados na web do Observatorio e no Portal do Consello Social da UVigo para o coñecemento de toda a comunidade universitaria.
O informe final será enviado aos antigos estudantes rexistrados na nosa Base de Datos de Persoas Tituladas.
Moi importante!
A enquisa é anónima: non son requiridos nome, nin apelidos, nin identificación da empresa/entidade empregadora.
Os datos persoais facilitados no consentimento serán tratados baixo a responsabilidade da UVigo para a xestión das finalidades do Observatorio segundo o RGPD.
O tratamento estatístico das respostas, realizado baixo a dirección do profesor Luis Espada, garante a absoluta confidencialidade.
Conforme á Lei, as persoas tituladas participantes dispoñen do dereito de acceso, rectificación, cancelación e oposición a todo dato que as afectar.